जळगाव (प्रतिनिधी ) ;– शहरातील खेडी येथे तीन दरोडेखोरांनी घरात प्रवेश करून वृद्ध दाम्पत्य आणि त्यांच्या नातवास बॅटने जखमी करून लाखोंचा ऐवज लांबविल्याची घटना आज पहाटे घडली असून यादरोडेखोरांनी तीन ठिकाणी चोरीचा प्रयत्न केला होता. या घटनेमुळे परिसरात खळबळ उडाली आहे . टाचे शहरात अवघ्या १२ दिवसानंतर हा दरोडा पडल्याने नागरिकांमध्ये भीतीचे वातावरण आहे.
याबाबत सूत्रांची दिलेली माहिती अशी कि , नंदूरबार पोलीस दलात कार्यरत असलेले योगेश जगन्नाथ भोळे यांचे खेडी येथे श्रीकृष्ण मंदिराजवळच दुमजली घर आहे. मोठा भाऊ विकास आर्मीमध्ये असून दोन्ही भाऊ नोकरीच्या ठिकाणी आहेत तर घरी वडील जगन्नाथ शंकर भोळे, आई सुशीलाबाई व मोठ्या भावाची पत्नी हर्षा, त्यांचा मुलगा जीवांश असे राहतात. शनिवारी सकाळी भाचा सिध्दांथ अनिल दांडगे (१२) हा घरी आलेला होता. वृध्द दाम्पत्य व सिध्दांथ एका खोलीत तर हर्षा व त्यांचा मुलगा दुसऱ्या खोलीत झोपलेले होते. पहाटे साडे तीन वाजता मागील लोखंडी गेटवरुन उडी घेऊन तीन जण आतमध्ये आले. टॉमीने दरवाजाची कडी तोडून चोरट्यांनी घरात प्रवेश केला. एकाने दरवाजाच्या बाजुला ठेवलेली बॅट त्याच्या नातवाच्या खांद्यावर मारली. धावून आलेल्या सुशीलाबाई यांच्या हातावर तर जगन्नाथ भोळे यांच्या डोक्यात बॅट घातली. रक्तबंबाळ झालेले भोळे जागेवरच बेशुध्द पडले. काही क्षणातच चोरटयांनी सुशीलाबाई यांच्या गळ्यातील मंगळसूत्र ओढले व कपाटातील रोख रक्कम व दागिने घेऊन मागील दरवाजाने शेताच्या दिशेने पळ काढला.याबाबत पोलीस स्टेशनला गुन्हा दाखल करण्याचे काम सुरु होते .
