यावल तालुक्यातील फैजपूर येथील घटना
यावल (प्रतिनिधी) : विवाहितेस जीवे ठार मारण्याच्या उद्देशाने तिला भिंतीवर जोरात ढकलून देत चापटा बुक्क्यांनी मारहाण करण्यात आली आहे तसेच औषधांच्या गोळ्या जबरदस्तीने कोंबून गळा दाबत जीवे ठार मारण्याचा प्रयत्न केल्याप्रकरणी पतीसह सासू- सासऱ्यांवर फैजपूर पोलीस स्टेशनला गुन्हा दाखल करण्यात आला आहे.
याबाबत २८ वर्षीय विवाहितेने फिर्याद दाखल केली आहे. तिचा पती नंदलाल बबन वंजारी (वय ४०), सासू निर्मलाबाई वंजारी, सासरा बबन वंजारी सर्व रा. लक्ष्मी नगर, फैजपूर यांचे विरुद्ध गुन्हा दाखल करण्यात आला आहे. त्यांनी २०१७ पासून २०२३ पर्यंत सातत्याने विवाहितेच्या चारित्र्यावर संशय घेऊन मारहाण करीत छळ केलेला आहे.
तसेच ६ जून रोजी संध्याकाळी ६ वाजता राहत्या घरात किचनमध्ये विवाहितेस भिंतीवर जोरात ढकलून दिले तसेच चापटा बुक्क्यांनी मारहाण केली. जिवे ठार मारण्याच्या उद्देशाने गळा दाबत तापाच्या पाच सहा गोळ्या तोंडात कोंबल्या. यानंतर विवाहितेने कशीबशी सुटका करून घेतली. त्यानंतर १५ जून रोजी तिने दुपारी २ वाजता पोलीस स्टेशन गाठून संशयित आरोपी पती सासू सासऱ्यांविरुद्ध गुन्हा दाखल केला आहे. तपास पोलीस उपनिरीक्षक मोहन लोखंडे करीत आहेत.
