गोदावरी कॉलेज ऑफ नर्सिंगमध्ये जागतिक परिचारीका दिन उत्साहात
जळगाव – गेल्या वर्षभरापासून कोविडचे संक्रमण सुरु आहे, या संक्रमण काळातही डॉक्टरांच्या खांद्याला खांदा लावून परिचारीका प्रामाणिकपणाने सेवा देता आहे. अंत्यंत आव्हानात्मक परिस्थीतीत काम करणार्‍या या परिचारीकांप्रती कृतज्ञता व्यक्‍त करण्याचा आजचा दिवस आहे, फ्लोरेन्स नाईटेंगल यांच्या जयंतीनिमित्‍ताने जागतिक परिचारीका दिवस साजरा करतांना परिचारीकांचेही योगदान अंत्यंत मोलाचे असल्याचे प्रतिपादन माजी खासदार डॉ.उल्हास पाटील यांनी आज येथे व्यक्‍त केले.
गोदावरी फाऊंडेशन संचलित गोदावरी कॉलेज ऑफ नर्सिंगमध्ये बुधवार, १२ मे रोजी जागतिक परिचारीका दिन उत्साहात साजरा करण्यात आला. यावेळी ते बोलत होते. कार्यक्रमाच्या सुरुवातीला फ्लोरेन्स नाईटेंगल यांच्या प्रतिमेला माजी खासदार डॉ.उल्हास पाटील यांच्या हस्ते मार्ल्यापण करण्यात आले तसेच मान्यवरांच्या हस्ते दिपप्रज्वलन करुन कार्यक्रमास सुरुवात करण्यात आली. याप्रसंगी व्यासपीठावर गोदावरी फाऊंडेशनचे अध्यक्ष डॉ.उल्हास पाटील, अधिष्ठाता डॉ.एन.एस.आर्विकर , डीएम कार्डियोलॉजीस्ट डॉ.वैभव पाटील, प्रभारी प्राचार्य विशाखा वाघ, रजिस्ट्रार प्रमोद भिरुड, प्रा.अश्विनी वैद्य , प्रा.मनोरमा इसाक, प्रा.संकेत पाटील, ह्यांची उपस्थीती होती. यावेळी वैद्यकीय महाविद्यालयाचे अधिष्ठात डॉ.एन.एस.आर्विकर, रजिस्ट्रार प्रमोद भिरुड यांनी देखील परिचारिकांच्या योगदानाबद्दल गौरवोद्गार व्यक्‍त केले. प्रभारी प्राचार्यांनी की-नोट अ‍ॅड्रेस अ‍ॅण्ड थीम अनफोल्डींग बद्दल -प्रा. विशाखा वाघ, पॅनल डिस्कशन मध्ये हिस्ट्री ऑफ नर्सिर्ंग अ‍ॅण्ड माईलस्टोन ऑफ जीसीओएन-प्रा. मनोरमा कश्यप, करन्ट सिनेरियो ऑफ नर्सिंग बद्दल प्रा.अश्विनी वैद्य, फ्युचरिस्टीक नर्सिंग बद्दल प्रा. अश्विनी मानकर , फायनल कन्क्‍लुडींग वर्डस् प्रा. हेमांगी मरकुटे यांनी माहिती दिली. गोदावरी नर्सिंग चे अ‍ॅल्युमिनी विद्यार्थ्यांनी रिपोर्ट अ‍ॅण्ड एक्सपेरियन्ससह माहिती दिली तसेच परिचारिका दिनाचे थेट प्रक्षेपण यू-ट्युब, फेसबुक च्या माध्यामातून सर्व विद्यार्थ्यांना लाईव दाखविण्यात आले.
कोविड योद्धांचा सन्मान
कोविड काळात समर्पित सेवा देणार्‍या फ्रंटलाईन कोरोना योद्धांचा आज मान्यवरांच्या हस्ते प्रशस्तीपत्र, शाल, श्रीफळ देऊन यथोचित सन्मान करण्यात आला. यात प्रा.संकेत पाटील, चिन्मय शुक्‍ला, दिप्ती राऊत, आकाश धमक, ज्ञानेश्‍वर राठोड, डिंपल लाघोटे, जुबेर खाटीक यांचा सन्मान करण्यात आला, तसेच रांगोळीच्या माध्यमातून परिचारीका दिनाचे महत्व पटवून देणार्‍या अंतिम वर्ष बीएसस्सी नर्सिंग च्या विद्यार्थीनी यामिनी वाघमारे, रोशनी भगत, संस्कृती देशमुख, पूर्वा उपथाले यांचाही यावेळी सत्कार करण्यात आला.
कार्यक्रमाचे सूत्रसंचालन प्रिया जाधव यांनी केले. सदर कार्यक्रमास सर्व शिक्षक व शिक्षकेतर कर्मचारी वृंद उपस्थित होते.
