जळगाव ( प्रतिनिधी) ;- शहरातील विविध भागांमध्ये कोरोनाचे नियम डावलून चोरून लपून व्यवसाय करणाऱ्या एकूण १३ दुकानदारांवर आज मनपाच्या पथकाने धडक कारवाई केली असून १३ दुकाने सील करण्यात आली आहे . यातील काही व्यावसायिकांवर गुन्हे दाखल करण्यात येणार असल्याची प्रतिक्रिया मनपा उपायुक्त संतोष वाहुळे यांनी बोलताना दिली . या कारवाईत शहरातील फुले मार्केट , केळकर मार्केट , कोंबडी बाजार, राजकमल चौक ,बळीराम पेठ आदी ठिकाणच्या व्यावसायिकांचा समावेश आहे .शुक्रवारी व्यापाऱ्यांनी बाहेरून शटर बंद करून आतमध्ये दुकाने सुरु केली होती . हि माहिती मनपाच्या पथकाला मिळाल्याने मनपा पथकाकडून संबंधित व्यापाऱ्यांची दुकाने सील करण्यात आले .दरम्यान फुले मार्केटमध्ये सर्रासपणे दररोज सकाळी शंभरांवर दुकानदार आणि ग्राहक हे चोरून लपून लग्नाचा बस्ता, कापड खरेदी करतानाचे प्रकार आढळून आल्याने फुले मार्केट चारही बाजूंकडून पत्रे आणि बांबूने ठोकून सील करण्यात आले आहे . यामुळे कापड आणि इतर व्यावसायिकांमध्ये खळबळ उडाली आहे.
मनपा उपायुक्त संतोष वाहुळे यांच्यासह अतिक्रमण विभागाचे संजय ठाकूर ,नाना कोळी ,सुनील पवार ,राहुल पवार ,किशोर सोनवणे,आदींच्या पथकाने हि कारवाई करून एकूण १३ दुकाने सील करण्यात आली आहे. तसेच सदर दुकानदारांवर देखील गुन्हे दाखल करण्यात येणार असल्याची माहिती उपयुक्त वाहुळे यांनी दिली .
के. एच. ट्रेडर्स( भवानी पेठ ), राहुल गारमेंट (बळीरामपेठ ,शिवाजी चौक, ) , जय मतादी रेडिमेड (पियुष प्लाझा, ), एसएसडी कलेक्शन ( सेंट्रल फुले मार्केट,), एस. एम. टेलर्स ( हरिओम मार्केट) , राज प्रकाश ( बळीराम पेठ ), त्रिमूर्ती ऑफसेट ( कोंबडी बाजार चौक) , जैन हार्डवेअर हाऊस ( कोंबडी बाजार चौक) , चांदणी एजन्सी ( केळकर मार्केट ), नंदिनी (केळकर मार्केट ) यासह अन्य तीन दुकानांचा समावेश आहे.
