जळगावातील एमआयडीसी येथील घटना
जळगाव (प्रतिनिधी) : शहरातील एमआयडीसी मधील जी- सेक्टर मधील इन्स्टाकार्ड सर्विसेस कंपनीमधील गोडावूनचे पत्रे कापून काउंटर मधून १ लाख ११ हजार ४३० रुपये रुपयांची रोकड चोरून नेल्याची घटना सोमवारी २ सप्टेंबर रोजी सकाळी ६ वाजता समोर आली आहे. याप्रकरणी रात्री १० वाजता अज्ञात चोरट्यांवर एमआयडीसी पोलिसात गुन्हा दाखल करण्यात आहे.
एमआयडीसीतील जी-सेक्टर मधील प्लॉट नंबर ७ मध्ये इन्स्टाकार्ड सर्विसेस नावाची कंपनी आहे. १ सप्टेंबर रोजी रात्री ९ ते २ सप्टेंबर सकाळी ६ वाजेच्या दरम्यान अज्ञात चोरट्यांनी कंपनीच्या गोडाऊनचे पत्रे कापून आत प्रवेश केला. काउंटरमधून १ लाख ११ हजार ४३० रुपयांची रोकड चोरून नेली. ही घटना सोमवारी २ सप्टेंबर रोजी सकाळी ६ वाजता समोर आली आहे. या प्रकरणी रात्री १० वाजता पवन किशोर गाडीलोहार (वय-२७) यांनी दिलेल्या फिर्यादीवरून अज्ञात चोरट्यांवर एमआयडीसी पोलिसात गुन्हा दाखल करण्यात आला आहे. या घटनेचा पुढील तपास पोहेकॉ दत्तात्रय बडगुजर करीत आहे.
