रामानंदनगर पोलीस स्टेशनची कामगिरी
जळगाव (प्रतिनिधी) :- शहरातून लाखो रुपये किंमतीच्या महागड्या सायकली चोरणारा सराईत रेकॉर्डवरील चोरट्याला रामानंद नगर पोलिसांनी अटक केली आहे. त्याच्याकडून चोरीच्या सात दुचाकी हस्तगत करण्यात आल्या आहेत.
जयेश अशोक राजपूत (वय १९, रा. मयुर कॉलनी) या गुन्हेगाराला अटक करण्यात आली आहे. शहरातील मायादेवी नगरात राहणारे योगेश बडगुजर यांचे दीड लाख रुपये किंमतीची स्कॉट कपनीची स्पीड स्टार सायकल त्यांच्या घराच्या कंपाऊंटमधून दि. २४ जानेवारी रोजी चोरुन नेल्याची घटना घडली होती. याप्रकरणी रामानंद नगर पोलिस ठाण्यात गुन्हा दाखल करण्यात आला होता. या गुन्ह्याचा तपास करीत असतांना ही सायकल पिंप्राळा परिसरातील सराईत चोरटा जयेश राजपुत याच्याकडे असल्याची माहिती पोलिसांना मिळाली. चोरट्याला ताब्यात घेतल्यानंतर त्याची चौकशी केली असता, त्याने सायकल चोरल्याची कबुली दिली. तसेच त्याने दीड लाखाच्या महागडी सायकलबरोबर इतर सात चोरलेल्या सायकली काढून दिल्या. पोलिसांनी त्याच्याकडून १ लाख ८५ हजार रुपयांचा मुद्देमाल हस्तगत केला आहे.
ही कारवाई पोलीस उपअधीक्षक संदीप गावित यांच्या मार्गदर्शनाखाली सहाय्यक पोलीस निरीक्षक विठ्ठल पाटील, पोउनि गोपाल देशमुख, प्रदीप बोरुडे, गुन्हे शोध पथकातील पोहेकॉ संजय सपकाळे, जितेंद्र राजपुत, सुशिल चौधरी, इरफान मलिक, पोना विनोद सुर्यवंशी, हेमंत कळसकर, रेवानंद साळुंखे, अतुल चौधरी, रविंद्र चौधरी, उमेश पवार, जुलालसिंग परदेशी, मनोज मराठे, अनिल सोननी, दीपक वंजारी यांच्या पथकाने केली.
