चोपडा (प्रतिनिधी) – येथील शेतकी संघाची निवडणूक नुकतीच झाली. शेतकी संघाच्या अध्यक्षपदी ललित बागुल, तर उपाध्यक्षपदी सचिन धनगर यांचे एकमेव अर्ज आल्याने दोघांची बिनविरोध निवड करण्यात आली.
स्थापने पासून राष्ट्रवादी काँग्रेसच्या अधिपत्याखाली असलेली ही संस्था शेतकरी वर्गासाठी महत्वाची होती. तेच समीकरण जपत राष्ट्रवादीने अध्यक्षपदावर वेळोदे येथील ललित सुभाष बागुल यांची तर उपाध्यक्षपदासाठी सचिन ईश्वर धनगर यांची निवड करण्यात आली आहे.सदरची निवड ही एक वर्षासाठी असणार आहे.निवडीचे सर्व अधिकार महाराष्ट्र राज्य विधानसभेचे माजी अध्यक्ष अरुणभाई गुजराथी यांना देण्यात आले असले तरी आज झालेल्या निवड प्रक्रिया बैठकीत माजी आ.कैलास पाटील,काँग्रेसचे माजी जिल्हाध्यक्ष ऍड.संदीप पाटील, ऍड.घनश्याम पाटील, जिल्हा बँक संचालक घनश्याम अग्रवाल, चोसाका चेअरमन चंद्रहास गुजराथी, मार्केटचे माजी सभापती गिरीश पाटील, संचालक सुनील जैन, नंदकिशोर सांगोरे, सुरेश पाटील, तालुकाध्यक्ष राजेंद्र पाटील, प्रदीप पाटील, सूतगिरणी संचालक अमृत वाघ, नारायण पाटील, हितेंद्र देशमुख, विनोद पाटील, शशी पाटील आदी हजर होते.
