रावेर तालुक्यातील अभोडा येथील घटना, पती पोलीस ठाण्यात हजर
रावेर (प्रतिनिधी) : जिल्ह्यात खुनसत्र कायम सुरु आहे. सोमवारी दि. ३१ रोजीदेखील रावेर तालुक्यात अभोडा येथे चारित्र्याच्या संशयावरून पत्नीचा गळा दाबून निर्घृण खून केल्याची धक्कादायक घटना सकाळी उघडकीला आली आहे. पत्नीचा खून करून पती हा स्वतःहून रावेर पोलीस ठाण्यात हजर झाला. रावेर पोलीस ठाण्यात गुन्हा दाखल करण्यात आला आहे.
आशा संतोष तायडे (वय ३८ रा.आभोडा ता. रावेर) असे मयत महिलेचे नाव आहे. आभोडा या गावात आशा तायडे या परिवारासह वास्तव्याला होत्या. शेती व मजुरीचे काम करून ते आपला उदरनिर्वाह करत होते. (केसीएन)दरम्यान त्यांचे पती संतोष तायडे याने चारित्र्याच्या संशयावरून आशा हीचा गळा दाबून खून केला. ही घटना सोमवारी ३१ मार्चची सकाळी ६ वाजता समोर आली आहे. पत्नीचा गळा दाबून खून केल्यानंतर संशयित आरोपी पती हा स्वतःहून रावेर पोलीस ठाण्यात हजर झाला आहे. या घटनेमुळे रावेर तालुक्यात खळबळ उडाली आहे. रावेर पोलीस स्टेशनला गुन्हा दाखल करण्यात आला आहे.
