भुसावळ ( प्रतिनिधी ) – शहरातील विजय साऊंड सर्व्हिसच्या संचालकांनी कर्जाला कंटाळून आत्महत्या केली. ही घटना शुक्रवारी पहाटे उघडकीस आली.
अशोक रामकृष्ण चौधरी (63, रा.कन्हाळा रोड, वैष्णवी नगर, भुसावळ) असे मयताचे नाव आहे. चौधरी यांच्या मृत्यूमुळे परीसरात हळहळ व्यक्त करण्यात येत आहे चौधरी यांच्यावर पतसंस्थांचे सुमारे 20 लाखांचे कर्ज होते कोरोना काळात व्यवसाय ठप्प झाल्याने व कर्जाचे हप्ते थकल्याने त्यांनी टोकाचे पाऊल उचलल्याची चर्चा आहे.
दोन वर्षांपासून कोरोनामुळे कार्यक्रमांना बंदी असल्याने साऊंड सर्व्हिस व्यवसाय चालवणे कठीण होते. अशोक चौधरी यांनी व्यवसायासाठी 20 लाखांचे कर्ज काढल्यानंतर हप्ते भरणे जिकिरीचे जात असल्याने शुक्रवारी पहाटे घरातच पोर्चच्या बंगळीला दोरीने त्यांनी गळफास घेत जीवनयात्रा संपवली. पहाटे कुटुंब उठल्यानंतर त्यांना ही घटना दिसताच कुटूंबियांनी आक्रोश केला. बाजारपेठ पोलिसांना माहिती दिल्यानंतर पोलिसांनी पंचनामा केला. बाजारपेठ पोलिसात अकस्मात मृत्यूची नोंद करण्यात आली.
