जळगाव (प्रतिनिधी ) ;- महामार्गावरील लढ्ढा फार्म हाऊससमोर २ चारचाकींची समोरासमोर झालेल्या धडकेत दोन जण जखमी झाल्याची घटना १८ रोजी रात्री १२ वाजेच्या सुमारास येथे घडली.
सूत्रांची दिलेली माहिती अशी कि, लोकेश धनाजी बेंडाळे वय ३८ रा. पुणे हे मेहुणी रेणुका यांच्यासोबत चार चाकी (क्र.एमएच १४ जे १०७१) ने इच्छादेवीकडून अजिंठा चौफुली कडे जात होते. मध्यरात्री 11:55 च्या सुमारास अजिंठा चौफुलीजवळील अंडा फार्म हाऊस जवळ समोरून भरधाव वेगात येत असलेल्या कार (क्र.एमएच-१९ ०९२४) वरील चालक सिद्धार्थ अर्जुन कांबळे रा. गुजराल पेट्रोल पंप मागे जळगाव यांनी जोरदार धडक दिली.
अपघातात लोकेश बेंडाळे व रेणुका हेमंत पाटील यांना किरकोळ दुखापत झाले. अपघातानंतर कारचालक कांबळे यांनी गाडीतून उतरून दारूच्या नशेत दोघांना शिवीगाळ केली. याप्रकरणी एमआयडीसी पोलीस ठाण्यात गुन्हा दाखल करण्यात आला असून तपास हवालदार संजय भोई करीत आहे.
