जळगाव तालुक्यातील उमाळे येथील घटना
जळगाव (प्रतिनिधी) : तालुक्यातील उमाळे गावात राहणाऱ्या एका तरुणाचा गावाजळील पाझर तलावाजवळ मंगळवारी २३ जुलै रोजी सकाळी ७ वाजता मयत स्थितीत मृतदेह आढळून आल्याने खळबळ उडाली आहे. तरूणाचा मृत्यू कोणत्या कारणामुळे झाला हे अद्याप समोर आलेले नाही. याबाबत एमआयडीसी पोलीस ठाण्यात घटनेची नोंद घेण्याचे काम सुरू होते.
अनिल कमलाकर जाधव (वय-३५, रा. उमाळे ता.जि. जळगाव) असे मयत झालेल्या तरुणाचे नाव आहे. अनिल जाधव हा आई मंगलाबाई, वडील कमलाकर जाधव, दोन भाऊ निलेश आणि संजय आणि विवाहित बहीण यांच्यासह राहत होता. (केसीएन)शेतमजुरीचे काम करून तो उदरनिर्वाह करत होता. दरम्यान सोमवारी २२ जुलै रोजी रात्री तो घरातून बाहेर निघून गेला. दुसऱ्या दिवशी मंगळवारी २३ जुलै रोजी सकाळी ७ वाजता उमाळे गावापासून जवळ असलेल्या एका पाझर तलावाजवळ त्याचा मयतस्थितीत मृतदेह आढळून आला.
या घटनेची माहिती मिळाल्यानंतर गावातील तरुणांनी घटनास्थळी धाव घेतली.(केसीएन)त्यानंतर त्याला उचलून शासकीय वैद्यकीय महाविद्यालयात दाखल केले असता वैद्यकीय अधिकारी डॉ.निरंजन देशमुख यांनी मयत घोषित केले. दरम्यान याबाबत एमआयडीसी पोलिसात अकस्मात मृत्यूची नोंद घेण्याचे काम सुरू होते. त्याचा मृत्यू कशामुळे झाला हे अद्याप समोर आलेले नाही. परंतू तो अविवाहित असल्या कारणामुळे काही दिवसांपासून मानसिक तणावात होता अशी माहिती गावातील मित्रपरिवाराने दिली.
