मध्य रेल्वे विभागाला यश
जळगाव (प्रतिनिधी) :- भुसावळ विभागातील बोदवड-मलकापूर या १९. ८१ किलोमीटर विभागामध्ये स्वयंचलित सिग्नल प्रणाली दि. १६ डिसेंबर पासून यशस्वीपणे कार्यान्वित करण्यात आलेली आहे. या कामाला वित्तीय वर्ष २०२१-२२ च्या कार्ययोजनेत अंतर्गत मंजूर करण्यात आला होता.
या कार्यासाठी ४ दिवस प्री-नॉन-इंटरलॉकिंग आणि १ दिवस नॉन-इंटरलॉकिंग अशा पद्धतीने नियोजन करण्यात आले होते. या कामाअंतर्गत, दोन संपूर्ण ब्लॉक सेक्शन (बोदवड-खामखेड आणि खामखेड-मलकापूर) स्वयंचलित ब्लॉक सेक्शनमध्ये रूपांतरित करण्यात आले. या भागात १७ स्वयंचलित सिग्नल आणि २ सेमीऑटोमॅटिक -स्वयंचलित सिग्नल (डाउन दिशेसाठी) तसेच १५ स्वयंचलित सिग्नल आणि १ सेमीऑटोमॅटिक-स्वयंचलित सिग्नल (अप दिशेसाठी) बसवण्यात आले आहेत. यासह, वरणगाव-अकोला विभागात आता ७६.४३ किमीचे स्वयंचलित सिग्नलिंग पूर्ण झाले आहे.
बोदवड स्टेशन आता पूर्णपणे स्वयंचलित सिग्नलिंग स्टेशन झाले आहे. या स्वयंचलित सिग्नल प्रणालीमुळे भुसावळ-बडनेरा खंडात रेल्वे वाहतुकीची क्षमता वाढेल तसेच लाइन क्षमता सुधारली जाईल. यामुळे गाड्यांची गर्दी कमी होण्यास मदत होईल. स्टेशन्स दरम्यान प्रत्येक १ किमी अंतरावर सिग्नल बसवले गेले आहेत, त्यामुळे दर १ किमी सेक्शनमध्ये एक ट्रेन चालवणे शक्य होईल. यामुळे गाड्यांचा वेग वाढेल आणि गाड्यांचा खोळंबा कमी होईल आणि त्यात जास्त गाड्या चालवता येतील.
