भुसावळ ( प्रतिनिधी ) – शहरातील आंबेडकर नगरात हॉर्न वाजवल्याच्या कारणावरून एका तरूणाला लोखंडी फायटरने मारहाण केल्याची घटना घडली आहे. याप्रकरणी भुसावळ शहर पोलीस ठाण्यात ५ जणांविरोधात गुन्हा दाखल करण्यात आला आहे.
सूत्रांनी दिलेल्या माहिती वरून , अजय भीमराव तायडे (वय-३३) रा. आंबेडकर नगर, भुसावळ हा तरुण आपल्या परिवारासह राहायला आहे. रविवार १२ नोव्हेंबर रोजी रात्री १० वाजता हॉर्न वाजविण्याच्या कारणावरून राजन उर्फ गोलू खरात, राजकुमार खरात, हंसराज खरात, रजनी खरात आणि घनघाव (पूर्ण नाव माहित नाही) सर्व रा. समता नगर, भुसावळ यांनी शिवीगाळ करत लोखंडी फायटरने मारहाण करून अजयला जखमी केले.
दरम्यान हा प्रकार घडल्यानंतर अजय तायडे याने उपचार घेतल्यानंतर मंगळवारी १४ नोव्हेंबर रोजी दुपारी ४ वाजता भुसावळ शहर पोलीस ठाण्यात जाऊन तक्रार दिली. त्यांनी दिलेल्या तक्रारीवरून चार जणांविरोधात भुसावळ शहर पोलीस ठाण्यात गुन्हा दाखल करण्यात आला आहे. पुढील तपास पोलीस नाईक संदेश निकम करीत आहे.
