भुसावळ शहरातील घटना
भुसावळ (प्रतिनिधी) : शहरातील नगरपालिकेच्या इमारतीमध्ये दुकाने निरीक्षक यांच्या कार्यालयातून गोदरेज कपाटासह महत्वाच्या नोंदवह्यांची चोरी झाल्याचा धक्कादायक प्रकार दि. १६ जुलै रोजी सकाळी ७ वाजेच्या सुमारास उघडकीला आले आहे. याप्रकरणी चौकशी अंती मंगळवारी ६ ऑगस्ट रोजी सायंकाळी ६ वाजता भुसावळ बाजारपेठ पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
भुसावळ नगरपालिकेच्या इमारतीमधील दुकाने निरीक्षक यांच्या कार्यालयात असलेले कपाटात महत्वाच्या नोंदी ठेवण्यात आलेल्या आहेत. दि. १६ जुलै रोजी सकाळी १० वाजेच्यापुर्वी अज्ञात चोरट्यांनी कार्यालयातून कपाटासह महत्वाच्या दुकानासंदर्भात नोंदवह्यांची चोरी झाल्याची घटना समोर आली. दरम्यान याबाबत नगरपालिकेतील अधिकारी व कर्मचारी यांनी शोध घेतला . अखेर मंगळवार ६ ऑगस्ट रोजी सायंकाळी ६ वाजता भुसावळ बाजारपेठ पोलीस ठाण्यात दुकान निरीक्षक जगदीश कौतीक पाटील यांनी भुसावळ बाजारपेठ पोलीस ठाण्यात अज्ञात चोरट्यांविरोधात गुन्हा दाखल करण्यात आला. पुढील तपास पोहेकॉ विजय नेरकर हे करीत आहे.
