भुसावळ (प्रतिनिधी ) – भुसावळ शहरातील श्रीनगर परिसरात महिलेचे बंद घर फोडून २ लाख ५६ हजार रूपये किंमतीचे सोन्याचे दागिने अज्ञात चोरट्यांनी चोरून नेल्याचे समोर आले आहे. याप्रकरणी भुसावळ शहर पोलीस स्टेशनला गुन्हा दाखल करण्यात आला आहे.
याबाबत सूत्रांनी दिलेली माहिती अशी की, हेमा अर्जून ढोलपूरे (वय-२७) रा. श्रीनगर विठ्ठल मंदीरासमोर भुसावळ हे २५ नोव्हेंबर ते २९ नोव्हेंबर दरम्यान त्यांचे घर बंद करून बाहेरगावी गेल्या होत्या. घर बंद असल्याचे पाहून अज्ञात चोरट्यांनी बंद घर फोडून कपाटात ठेवलेले सोन्याचे दागिने अज्ञात चोरट्यांनी चोरून नेल्याचे समोर आले. यात एकुण एक लाख रूपयांची रोकड आणि १ लाख ५६ हजार रूपये किंमतीचे सोन्याचे दागिने असा एकुण २ लाख ५६ हजार रूपयांचा मुद्देमाल चोरून नेला. याप्रकरणी महिलेने भुसावळ शहर पोलीस स्टेशनला दिलेल्या तक्रारीवरून अज्ञात चोरट्यांविरोधात गुन्हा दाखल करण्यात आला आहे. पुढील तपास सहाय्यक फौजदार मोहम्मद अली सैय्यद करीत आहे.
