भुसावळ – इगतपुरी मेमू ट्रेन सुरू
जळगाव (प्रतिनिधी ) – तब्बल बावीस महिन्यानंतर गाडी नंबर 11120 भुसावळ-इगतपुरी मेमु गाडी सोमवार दि.10 जानेवारी 2022 रोजी भुसावळ येथून सकाळी 7 वाजता सुरू झालेली आहे.
कोरोनानंतर भुसावळ-इगतपुरी या मार्गावर प्रथमच मेमू गाडी सुरू झालेली आहे तत्पूर्वी गेल्या वर्षभरापासून प्रवास्याची होणारी गैरसोय ते पाहता मुंबई पॅसेंजर गाडी सुरू करावी अशी मागणी डीआरयुसीसी मेंबर विनायक पाटील यांनी नेहमी रेल्वे प्रशासनाकडे वेळो वेळी केली होती.त्यांच्या या पाठपुराव्याला आज यश आले आहे मेमु ट्रेनच्या स्वरूपात ती आजपासून सर्व प्रवासान्या त्याचा लाभ होणार आहे. मेमु ट्रेनचे जळगाव जंक्शन वर स्वागत व शुभेच्छा देताना डीआरयूसीसी मेंबर विनायक पाटील,संदीप कासार,सहाय्यक स्टेशन मॅनेजर विनय सिन्हा,टिटीई आर.टी.ठाकूर हे उपस्थित होते.
