मलकापूर तालुक्यात झाली घटना, जामनेर तालुक्यावर शोककळा
जळगाव (प्रतिनिधी) : जामनेर तालुक्यातील वाकी येथील तरुणाचा शुक्रवारी दि. ७ रोजी दुपारी ४. ३० वाजता मलकापूर तालुक्यात दुचाकी अपघात झाला होता. यात गंभीर जखमी झाल्याने उपचारादरम्यान जळगाव येथील शासकीय रुग्णालयात मृत्यू झाला आहे. याप्रकरणी एमआयडीसी पोलीस स्टेशनला प्राथमिक नोंद घेण्यात आली आहे.
विजय आनंद शिंदे (वय २९, रा. वाकी ता. जामनेर) असे मयत तरुणाचे नाव आहे. त्यांच्या पश्चात आई, पत्नी, ३ मुले असा परिवार आहे. सेंट्रिंग काम करून विजय शिंदे हा परिवाराचा उदरनिर्वाह करीत होता.(केसीएन)शुक्रवारी दि. ७ रोजी दुपारी ४. ३० वाजता वाजेच्या सुमारास मलकापूर ते वडनेर रोडदरम्यान विजय याच्या दुचाकींचा भीषण अपघात झाला. त्यात तो गंभीर जखमी झाल्याने जळगाव येथील शासकीय वैद्यकीय महाविद्यालय व रुग्णालय, जळगाव येथे त्याच्यावर उपचार सुरु होते.
शनिवारी दुपारी विजय याचा उपचारादरम्यान मृत्यू झाला. यावेळी कुटुंबीयांनी एकच आक्रोश केला. घटनेप्रकरणी एमआयडीसी पोलीस स्टेशनला प्राथमिक नोंद करण्यात आली असून पोलीस पुढील घटनेचा तपास करीत आहे. तरुणाच्या मृत्यूप्रकरणी वाकी गावात शोककळा पसरली आहे.
