धरणगाव तालुक्यातील पाळधीजवळ घटना
धरणगाव ( प्रतिनिधी ) – तालुक्यातील पाळधी वळण रस्त्यावर भरधाव बसने दुचाकीस्वारास धडक दिल्याने तो गंभीर जखमी झाल्याची घटना घडली. याप्रकरणी पाळधी दूरक्षेत्र पोलीस स्टेशनला घटनेची नोंद करण्यात आली आहे.
शनिवारी दुपारी १ वाजेच्या सुमारास नाशिक पंचवटी डेपोची बस (एमएच१३ / सीयु ७९७३) ही जळगावहून नाशिककडे जात असताना पाळधी महामार्ग वळण रस्त्यावरील कढोली फाट्याजवळ दुचाकीला (एमएच १९ / ईएफ ०२३६) जबर धडक दिली. या अपघातात दुचाकीवरील चालक हर्षल साहेबराव दोडे हे जबर जखमी झाले. त्यांना तत्काळ रुग्णवाहिकेतून जळगाव येथे पुढील उपचारासाठी पाठविण्यात आले. घटना घडताच बसचालक योगेश मधुकर पेखले (ओढा, नाशिक) यांनी बस पाळधी पोलिस चौकीत जमा केली.
