एमआयडीसी पोलीस स्टेशनला गुन्हा दाखल
जळगाव (प्रतिनिधी) : दोन भावांचे भांडण सुरू असताना बाजूला असलेल्या दोघांपैकी एकाने तरुणाला ‘माझ्याकडे काय पाहतो’ असे म्हणत लोखंडी पाईपाने मारहाण केली. ही घटना ८ सप्टेंबर रोजी वाकडी येथे घडली. या प्रकरणी एका जणाविरुद्ध गुन्हा दाखल करण्यात आला आहे.
ललित सुनील कोळी (२०, रा. वाकडी, म्हसावद, ता. जळगाव) या तरुणाने फिर्याद दिली आहे. वाकडी येथे दोन भावांचे भांडण सुरू होते. त्यातील एका जणाचे ललित कोळी या तरुणाकडे लक्ष गेले व माझ्याकडे काय पाहतो असे म्हणत खाली उतर, तुला बघतो, अशी धमकी दिली. याविषयी विचारणा करण्यासाठी तरुण गेला असता त्याला शिवीगाळ करत लोखंडी पाईपाने मारहाण करण्यात आली. ‘तू जेथे भेटशील तेथे तुला जिवंत सोडणार नाही’, अशीही धमकी दिली. या प्रकरणी ललित कोळी या तरुणाने एमआयडीसी पोलिस ठाण्यात फिर्याद दिली. त्यावरून मारहाण करणाऱ्याविरुद्ध गुन्हा दाखल करण्यात आला आहे. पुढील तपास पोहेकॉ स्वप्नील पाटील करीत आहेत.
