श्रीमद भागवत कथेत श्रीकृष्ण-रुख्मिणी स्वयंवर सोहळ्यात भाविकांचा जल्लोष
जळगाव (प्रतिनिधी) – भगवान श्रीकृष्णांची वाट पाहणारी रुख्मिणी निस्सीम प्रेमाची मूर्ती होती. संसार दोघांचा असतो. त्यात दोघांनीही संसारातील जबाबदारी पार पाडावी लागते, असे मार्गदर्शन हभप विशालशास्त्री गुरुबा यांनी केले. यावेळी भगवान श्रीकृष्ण आणि रुख्मिणी यांच्या जयघोषात स्वयंवर सोहळा पार पडला.
धार्मिक, सांस्कृतिक, सामाजिक व क्रीडा क्षेत्रातील कार्यात अग्रेसर असलेले तरुण कुढापा मंडळातर्फे संगीतमय श्रीमद् भागवत कथेचे महानगरपालिका शाळा क्रमांक ३, पांजरापोळ परिसर या ठिकाणी दि. २५ डिसेंबर ते १ जानेवारी दरम्यान आयोजन करण्यात आले आहे. यंदाचे आयोजनाचे पाचवे वर्ष आहे. गुरुवारी ३० डिसेंबर रोजी श्रीकृष्ण-रुख्मिणी स्वयंवर सोहळा झाला.
हभप विशालशास्त्री गुरुबा म्हणाले की, मुले वडिलांच्या नावाने ओळखले जातात. त्यांच्या नावाने मुलाची ओळख होते. पूर्वी विवाह संस्कार होता. वेळेवर लग्न लागत नाही तसेच अनिष्ट प्रथा सुरु झाल्याने हा विवाह संस्कार आता राहिला नाही, असे सांगून यांच्या विवाह सोहळ्याची माहिती त्यांनी सांगितली. या विवाह सोहळ्याचा सजीव देखावा उभारण्यात आला होता. यावेळी केळीच्या खांबाने मंडप सजविलेले होते.
आ.राजूमामा भोळे, माजी महापौर सीमा भोळे, उद्योजक राजकुमार बाफना, नगरसेविका मंगला चौधरी, सामाजिक कार्यकर्ते मनोज पाटील, पियुष पाटील, सरिता कोल्हे, ऍड. भरत शर्मा उपस्थित होत्ते. गुरुवारी दि. ३० डिसेंबर रोजी सुदाम चरित्र कथन होणार आहे. भाविकांनी उपस्थिती द्यावी, असे आवाहन मंडळातर्फे अध्यक्ष पंकज भावसार, उपाध्यक्ष सुमित सपकाळे, कार्याध्यक्ष शंभू भावसार यांनी केले आहे.
