एक द्वितीयांश सरपंचपदे महिलांसाठी आरक्षित
भडगाव (प्रतिनिधी) : तालुक्यातील ४९ ग्रामपंचायतीच्या सरपंच पदाचे आरक्षण तहसिलदार यांचे अध्यक्षतेखाली निश्चित करण्यात आले. भडगाव तालुक्यातील ४९ ग्रामपंचायतीच्या सरपंच पदापैकी एक द्वितीयांश सरपंच पदे महिला यांच्यासाठी आरक्षित करण्यात आली.
अनुसूचीत जातीमध्ये घुसर्डी खुर्द (महिला), मांडकी (महिला), भातखंडे बु., जुवाडी (महिला), आमडदे, पिंपळगांव बु. यांचा तर अनुसूचीत जमाती प्रवर्गासाठी पिंप्रीहाट (महिला), कजगांव (महिला), लोण प्र.ब., मळगाव (महिला), महिंदळे (महिला), शिवणी, शिदी, गुढे यांचा समावेश आहे.(केजीएन)नागरिकांचा मागास प्रवर्ग यामध्ये गिरड (महिला), पिचर्डे, अंजनविहीरे, वडगांव बु (महिला), अंतुली बु, वडजी (महिला), खेडगांव खुर्द, वाडे (महिला), कोळगांव, बात्सर (महिला) या गावांचा समावेश आहे.
सर्वसाधारण (खुला)ग्रामपंचायतींमध्ये पथराड (महिला), बाळद खुर्द, लोण प्र.ऊ. (महिला), पळासखेडे (महिला), भोरटेक बु, वाक (महिला), आडळसे (महिला), सावदे, बोरनार (महिला), आंचळगांव निभोरा, पासडी (महिला), वडगांव नालबंदी, गोंडगांव (महिला), वरखेड (महिला), वलवाडी बु., कनाशी, बांबरुड प्र.ऊ, बोदडे, तांदुळवाडी (महिला), भट्टगाव, बांबरूड प्र.ब., पांढरद (महिला), पिंपरखेड (महिला), कोठली (महिला) आदींची आरक्षण सोडत आज भडगाव येथे काढण्यात आलेली आहे. यावेळी प्रांताधिकारी भूषण अहिरे तहसीलदार शितल सोलाट, नायब तहसीलदार रमेश देवकर, नायब तहसीलदार सोनवणे ,गटविकास अधिकारी के.बी.अंजने, महसूल लिपिक महादू कोळी आदींसह कर्मचारी उपस्थित होते.
