शिरसोली येथे उपक्रम
शिरसोली (प्रतिनिधी) :- बारी समाज माध्यमिक व उच्च माध्यमिक विद्यालयात आज डॉ. पंजाबराव देशमुख यांची जयंती साजरी करण्यात आली. कार्यक्रमाच्या अध्यक्षस्थानी विद्यालयाचे मुख्याध्यापक राजेंद्र आंबटकर हे होते.
प्रमुख अतिथी पर्यवेक्षिका सुरेखा दुबे, विद्यालयातील ज्येष्ठ शिक्षक सुनील भदाणे, कांचन धांडे, देवका पाटील होते. मान्यवरांच्या हस्ते डॉ. पंजाबराव देशमुख यांच्या प्रतिमेचे पूजन करण्यात आले. सांस्कृतिक प्रमुख दीपक कुलकर्णी यांनी प्रास्ताविक व सूत्रसंचालन केले. कांचन धांडे यांनी पंजाबराव देशमुख यांच्या जीवनावर प्रकाश टाकला. घनश्याम काळे यांनी पंजाबराव देशमुख यांच्या विषयी विद्यार्थ्यांना सखोल माहिती दिली. तर मुख्याध्यापक राजेंद्र आंबटकर यांनी अध्यक्षीय भाषणामध्ये डॉ. पंजाबराव देशमुख यांचे जीवन चरित्रबद्दल माहिती सांगितली. घनश्याम काळे यांनी आभार व्यक्त केले.
