जळगाव ( प्रतिनिधी ) – जामनेर तालुक्‍यातील शैंदुर्णी येथील भूमीपुत्र व शिरपूर येथील एच आर. पटेल फार्मसी महाविद्यालयाचे प्राचार्य डॉ. एस. बी. बारी यांना कवयित्री बहिणाबाई चौधरी उत्तर महाराष्ट्र विद्यापीठांतर्फे उत्कृष्ट प्राचार्य व आय. एन. एस. ओ.अवाईस या विल्लुपुरम, तामिळनाडू स्थित तंत्रज्ञान विकासासाठी उदयोन्मुख व्यावसायिक संघटनेकडून आंतरराष्ट्रीय शास्त्रज्ञ पुरस्कार प्राप्त झालाय
नेतृत्व करण्याची क्षमता, लोकांशी संबंध निर्माण करण्यात व ते टिकवण्यात पारंगता, निष्पक्षपातीपणा आणि सुसंगतता, दूरदर्शीपणा या गुणांच्या आधारावर तसेच महाविद्यालायासाठी त्यांनी दिलेल्या अभ्यासपूर्ण व वैविध्यपूर्ण योगदानाबद्दल प्राचार्य डॉ. एस. बी. बारी यांना सन २०१९ – २० या वर्षाचा उकृष्ट प्राचार्य पुरस्कार देवून विद्यापीठामार्फत कार्यगौरव करण्यात आला. आय. एन. एस. ओ. हि संघटना तांत्रिक क्षेत्रातील संशोधनातील त्यांच्या योगदानाची उत्कृष्टता ओळखतो आणि त्यांना संशोधक पुरस्कार प्रदान करते डॉ. बारी यांनी मापदंड पार करत हा आंतरराष्ट्रीय शास्त्रज्ञ पुरस्कार पटकावला.
डॉ. बारी यांनी अकरावी ते बी फार्मसी हे शिक्षण राष्ट्रीय गुणवत्ता स्कॉलरशिपद्वारे एम. फार्मसीसाठी अखिल भारतीय तंत्रशिक्षण परिषदेच्या जूनियर रिसर्च फेलोशिपच्या माध्यमातून व पीएच. डी गुणवत्ता सुधारणा कार्यक्रमाच्या माध्यमातून पूर्ण केले आहे. त्यांना असोसिएशन ऑफ फार्मास्युटिकल टीचर्स ऑफ इंडिया व आयपर यांच्या संयुक्‍त विद्यमाने दिला जाणारा प्रतिष्ठेचा उत्कृष्ट प्राचार्य २०२१ – २२, वि. लाइफ पब्लिकेशन अवार्ड, डॉ. पी. डी. सेठी अवार्ड, हे लक्षणीय पुरस्कार मिळाले आहेत. त्यांनी आतापर्यंत 13 विद्यार्थी पीएच. डी विद्यार्थ्यांना मार्गदर्शन केले त्यांचे आतापर्यंत एकूण १४ पुस्तके व १७५
शोधनिबंध विविध नामांकित शोध पत्रिकांत प्रकाशित झाले आहे व आठ पेटंट सादर केले आहेत एच आर पटेल फार्मसी महाविद्यालयानेही त्यांच्या
नेतत्वात २ कोटी रुपयाचे शासनाच्या वेगवेगळ्या संस्थांकडून संशोधन अनुदान मिळवले आहे
डॉ. बारी हे शैंदुर्णी येथील सेवानिवृत्त मुख्याध्यापक बाबुराव मोहन बारी यांचे सुपुत्र आहेत. यशाबद्दल संस्थेचे अध्यक्ष आमदार अमरिशभाई पटेल ,
नगराध्यक्षा सौ. जयश्रीबेन पटेल, संस्थेचे कार्याध्यक्ष भूपेशभाई पटेल,संस्थेचे उपाध्यक्ष भंडारी, उद्योगपती चिंतनभाई पटेल, सचिव प्रभाकर चव्हाण, माजी कुलगुरू ड्रॉ. के. बी. पाटील यांनी त्यांचे कौतुक केले.
