संभाजीनगर येथील पथकही तळ ठोकून
जळगाव (प्रतिनिधी) : येथील जिल्हा कारागृहामध्ये एका बंदीचा खून झाल्याप्रकरणी संशयित आरोपीला अटक करण्यात आली आहे. दरम्यान या प्रकरणी प्रभारी तुरुंग महानिरीक्षक डॉ. जालिंदर सुपेकर यांनी संध्याकाळी साडेपाच वाजता कारागृहाला भेट दिली आहे. त्यांच्यासोबत छत्रपती संभाजीनगर येथील पथक देखील आहे. डॉ. सुपेकर यांनी संबंधित कर्मचाऱ्यांची चौकशी सुरू केली आहे.
कारागृहामध्ये बुधवार दि. १० जुलै रोजी सकाळी मोहसीन असगर खान (वय २५ रा. भुसावळ) याचा धारदार शास्त्राने कारागृहातील बॅरेक क्रमांक ४ येथे संशयित आरोपी शेखर मोघे यांनी धारदार शस्त्राने खून केला होता. या प्रकरणी वरिष्ठ तुरुंग अधिकारी गजानन पाटील यांनी दिलेल्या फिर्यादीवरून गुन्हा दाखल झाला आहे. तर शेखर मोघे याला अटक करण्यात आली आहे. दरम्यान गुरुवारी दि. ११ जुलै रोजी प्रभारी तुरुंग महानिरीक्षक डॉ. जालिंदर सुपेकर यांनी संध्याकाळी भेट दिली आहे.
यावेळी संभाजीनगर येथील पथक देखील आहे. यासोबत कारागृह अधीक्षक अनिल वांढेकर, वरिष्ठ तुरुंग अधिकारी गजानन पाटील, पीएसआय देवरे यांच्यासह सर्व कर्मचारी देखील हजर आहेत. थोड्याच वेळात याबाबतची माहिती अपडेट करून ते “केसरीराज” वाचकांना दिले जाईल…