जळगाव ( प्रतिनिधी ) – बळीराम पेठेतील बळीराम गंगुबाई शाळेच्या गल्लीत पत्राच्या शेडमध्ये घरगुती गॅसचा काळाबाजार करून वाहनांमध्ये वापर करणाऱ्यावर शहर पोलीसांनी कारवाई केली. २१ हजाराचा मुद्देमाल हस्तगत करण्यात आला. एकावर गुन्हा दाखल करण्यात आला आहे.
शहर पोलीस ठाण्याच्या हद्दीत बळीराम गंगूबाई शाळेच्या मागील गल्लीत पत्र्याच्या टपरीत आरोपी नाजीम खान नयीम खान (रा. काट्या फाईल, शनीपेठ) बेकायदेशीरपणे घरगुती गॅसचा वापर वाहनांमध्ये करत असल्याची गोपनिय माहिती पो नि विजय ठाकुरवाड यांना शनीवारी दुपारी मिळाली. शहर पोलीस ठाण्याच्या पथकाने दुपारी धाड टाकून १७ हजार रूपये किंमतीचे इलेक्ट्रिक मोटार, दोन गॅस सिलिंडर्स असा एकुण २१ हजार रूपये किंमतीचा मुद्देमाल हस्तगत केला पोकॉ रतन गिते यांच्या फिर्यादीवरून संशयित आरोपी नाजीम खान नयीम खान याच्याविरोधात शहर पोलीस ठाण्यात गुन्हा दाखल करण्यात आला आहे. पुढील तपास पो ना भास्कर ठाकरे करीत आहेत.
