धरणगाव तालुक्यातील घटना
जळगाव (प्रतिनिधी ) ;- चॉकलेटचे आमिष देऊन एकाने २०२३ च्या दिवाळीनंतर १४ वर्षीय मुलीवर अत्याचार केल्याची घटना घडली होती . यात अत्याचार करणाऱ्याच्या मित्राने तिचे शारीरिक संबंध असल्याचे पाहून तिला धमकी देऊन तिच्यावर शेतात नेऊन बलात्कार केल्याची घटना उघडकीस आली असून याप्रकरणी पोलिसांनी एकाला अटक केली आहे.
याबाबत वृत्त असे कि,बडवाणी जिल्ह्यातील १४ वर्षीय मुलगी हि आपल्या परिवारासह धरणगाव तालुक्यातील एका शेतात वास्तव्याला असून तिला आरोपी प्रवीण छत्र्या बारेला रा. कानळदा ता..जळगाव याने सण २०२३ च्या दिवाळीनंतर ४ ते ५ दिवसांनी ते जानेवारी २०२४ दरम्यान मुलीला चॉकलेट देऊन तिला धरणगाव तालुक्यातील एका शिवारात नेऊन तिच्या इच्छेविरुद्ध बळजबरीने शारीरिक संबंध केले. तसेच पीडित मुलीला व तिच्या आई वडिलांना जीवे ठार मारून देण्याची धमकी दिली. तसेच प्रवीण बालेरा हा पीडित मुलीशी शारीरिक संबंध करीत असल्याचे पाहून दुसरा आरोपी पन्नालाल मराठे रा. पारोळा नाका ता. धरणगाव याने पीडित अल्पवयीन मुलीला एकांतात गाठून प्रवीण बारेला आणि तुझ्या संबंधाबाबत सर्वांना सांगून देईल अशी धमकी दिली. पन्नालाल मराठे याने तिला सार्वे शिवारात नेऊन पीडित मुलीवर बलात्कार केला. याबाबत पीडित मुलीने आपल्या आईला या घडलेल्या प्रसंगाची माहिती दिल्यामुळे तिच्या आईने फिर्याद दिल्यावरून आरोपी प्रवीण बरेला आणि पन्नालाल मराठे यांच्याविरुद्ध धरणगाव पोलीस ठाण्यात गुन्हा दाखल करण्यात आला असून यातील पन्नालाल मराठे या आरोपीला अटक करण्यात आली आहे. या घटनेचा तपास उपविभागीय पोलीस अधिकारी कुणाल सोनावणे करीत आहे.