जळगावच्या शासकीय आशादीप वसतीगृहातील घटना
जळगाव (प्रतिनिधी) : एमआयडीसी पोलीस ठाण्यात पिटा कायद्यांर्गत अनैतिक देहव्यापार प्रतिबंधक अधिनियमनुसार गुन्ह्यात ताब्यात असलेली १९ वर्षीय पीडित तरूणी ही कोर्टाच्या मागील बाजूस असलेल्या शासकीय आशादीप महिलांच्या वसतीगृहातील भिंतीवरून उडी घेवून पसार झाल्याची धक्कादायक घटना शनिवारी दि. २५ जानेवारी रोजी रात्री १० वाजता उघडकीला आले आहे. याप्रकरणी जळगाव शहर पोलीस ठाण्यात गुन्हा दाखल करण्यात आला आहे.
एमआयडीसी पोलीस ठाण्यात पिटा कायद्यांतर्गत अनैतिक देहव्यापार प्रतिबंधक अधिनियमनुसार गुन्हा दाखल करण्यात आला होता. या प्रकरणात पोलीसांनी १९ वर्षीय बांगलादेश येथील रहिवासी पिडीत मुलीला ताब्यात घेवून तिला शासकीय आशादीप महिलांचे वसतीगृहाच्या ताब्यात दिले होते. दरम्यान, शनिवारी दि. २५ जानेवारी रोजी रात्री १० वाजेच्या सुमारास पिडीत तरूणीने वसतीगृहातील बाथरूमच्या बाजूच्या भिंतीवरून उडी घेवून पसार झाली. ही घटना उघडकीला आल्यानंतर शहर पोलीसांना माहिती देण्यात आली. वसतीगृहाचे परिविक्षा अधिकारी यांनी दिलेल्या फिर्यादीवरून रविवारी दि. २६ जानेवारी रोजी मध्यरात्री २ वाजता शहर पोलीस ठाण्यात गुन्हा दाखल करण्यात आला आहे. पुढील तपास सहाय्यक पोलीस निरीक्षक कल्याणी वर्मा ह्या करीत आहे.
