जळगाव शहरातील खोटेनगर परिसरातील घटना
जळगाव ( प्रतिनिधी ) – घरात कुणीही नसतांना एका ३८ वर्षीय महिलेने घराच्या पंख्याला गळफास घेऊन आपली जीवनयात्रा संपविल्याची धक्कादायक घटना आज दुपारी साडेबारा वाजेच्या सुमारास खोटेनगर परिसरातील वाटिकाश्रम भागात घडली असून या घटनेमुळे परिसरात खळबळ उडून हळहळ व्यक्त होत आहे. पल्लवी सुभाष सपकाळे ( वय ३८ ) असे या मृत महिलेचे नाव आहे. दरम्यान महिलेने गळफास का घेतला याचे कारण अद्याप अस्पष्ट आहे. याबाबत उशिरापर्यंत तालुका पोलीस ठाण्यात उशिरापर्यंत नोंद करण्याचे काम सुरु होते.
याबाबत सूत्रांनी दिलेली मयत पल्लवी सपकाळे या आपले भाऊ हर्षल सपकाळे आणि आई प्रमिला यांच्यासोबत वास्तव्याला आहे. आज पल्लवी सपकाळे यांनी नेहमीप्रमाणे रेल्वेत नोकरीला असलेले भाऊ हर्षल सपकाळे यांना जेवणाचा डबा करून दिला . तसेच आई प्रमिला सपकाळे या भाजीपाला घेण्यासाठी बाहेर गेल्या असता घरात कुणीही नसल्याने घराच्या छताला असलेल्या पंख्याला दुपारी गळफास घेऊन आत्महत्या केली. गालफास घेतल्याचा प्रकार बाहेरून आल्यानंतर प्रमिला सपकाळे यांच्या लक्षात आल्यानंतर त्यांनी एकच आक्रोश केला. शेजाऱ्यांच्या मदतीने मृतदेह शासकीय वैद्यकीय महाविद्यालयात नेल्यानंतर वैद्यकीय अधिकाऱ्यांनी मृत घोषित केले. मयत पल्लवी सपकाळे यांनी आत्महत्या का केली याचे कारण समजू शकले नाही. याबाबत तालुका पोलीस स्टेशनला अकस्मात मृत्यूची नोंद करण्याचे काम उशिरापर्यंत करण्याचे काम सुरु होते.
