गोलाणी व्यापारी संकुलातील घटनेने व्यापाऱ्यांमध्ये खळबळ
जळगाव (प्रतिनिधी) : येथील गोलाणी मार्केटमध्ये गेल्या १५ ते २० वर्षांपासून कॉम्प्युटर व्यवसाय करणाऱ्या एका ५१ वर्षीय प्रौढाने दुकानातच गळफास घेत आत्महत्या केल्याची धक्कादायक घटना आज सकाळी स्वातंत्र्य दिनी दिनांक १५ ऑगस्ट रोजी साडे दहा वाजेच्या सुमारास उघडकीस आली. त्याने आत्महत्या का केली याचे कारण अद्याप स्पष्ट नाही. घटनेप्रकरणी अकस्मात मृत्यूची नोंद करण्याचे काम सुरू होते.
रमेश देवराम पाटील (वय५१ मु. रा. गाढोदा ता. जळगाव ह. मु. रा.निवृत्ती नगर, जळगाव) असे मयत व्यापाऱ्याचे नाव आहे. त्यांच्या पश्चात आई, पत्नी, २मुली, १ मुलगा असा परिवार आहे. रमेश पाटील यांचे ॲरोटेक कॉम्प्युटर नावाचे गोलाणी मार्केटमधील ग्राऊंड प्लोअरला सी -२४६ क्रमांकाचे दुकान आहे.(केसीएन)आज सकाळी १० वाजेच्या सुमारास रमेश पाटील यांनी दुकान उघडून देवांच्या फोटोला अगरबत्ती लावून नंतर अर्धवट शटर बंद करून गळफास घेतला . यानंतर दुकानात काम करणाऱ्या त्यांच्या साडूच्या मुलाने शटर उघडून पाहताच तयाने आरडा ओरड केल्याने आवाज ऐकून शेजारच्या व्यापाऱ्यांनी धाव घेतली.
यावेळी दोरीला लटकलेल्या अवस्थेत रमेश पाटील दिसून आल्यानंतर दोर कापून त्यांना खाली उतरविण्यात आले. त्यानंतर त्यांना तात्काळ शासकीय वैद्यकीय महाविद्यालयात रुग्णवाहिकेद्वारे नेण्यात आले.(केसीएन)यावेळी घटनास्थळी व्यापाऱ्यांनी मोठ्या प्रमाणवर गर्दी केली होती. रमेश पाटील यांनी आत्महत्या का केली याबाबत कोणतेही कारण समजू शकलेले नाही. दरम्यान घटनास्थळी शहर पोलिसांनी धाव घेऊन घटनास्थळाची माहिती घेतली. याबाबत घटनेची नोंद करण्याचे काम पोलीस ठाण्यात सुरु होते.
