जळगाव शहरातील मेहरूण परिसरातील घटना
जळगाव (प्रतिनिधी) : रामेश्वर कॉलनीत राहत्या खोलीत २२ वर्षीय तरूणाने दोरीने गळफास घेवून आत्महत्या केल्याची धक्कादायक घटना सोमवारी दिनांक ५ ऑगस्ट रोजी सकाळी ६ वाजता उघडकीला आले. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे.
किरण रमेश शिंपी (वय २२ रा.शिंदी ता. भडगाव ह.मु. रामेश्वर कॉलनी, जळगाव) असे मयत झालेल्या तरूणाचे नाव आहे. किरण शिंपी हा आई, भाऊ आणि वहिनीसोबत भडगाव तालुक्यातील शिंदीं येथे वास्तव्याला होता. गेल्या अडीच वर्षांपासून तो जळगाव एमआयडीसीतील एका ठिंबक कंपनीत त्यांचा मित्रा रवी मघाळे यांच्यासोबत कामाला होता.(केसीएन)त्यामुळे तो जळगावातील रामेश्वर कॉलनीत वास्तव्याला होता. रविवारी ४ ऑगस्ट रोजी रात्री १० वाजेच्या सुमारास त्याचे मित्र रवीसोबत बोलणे झाले होते. त्यानंतर त्याने राहत्या खोलीत गळफास घेवून आत्महत्या केली.
सोमवारी दिनांक ५ ऑगस्ट रोजी सकाळी घर मालकीन यांनी घरात डोकावून पाहिले असता किरण याने गळफास घेतल्याचे दिसून आले. (केसीएन)या घटनेची माहिती मिळाल्यानंतर पोलीस कर्मचारी घटनास्थळी धाव घेतली. जिल्हा शासकीय वैद्यकीय महाविद्यालयात उपचारार्थ दाखल करण्यात आले असता वैद्यकीय अधिकारी डॉ. स्नेहल दुगड यांनी मयत घोषीत केले.
आत्महत्या करण्याचे कारण समोर आलेले नाही. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली.
