मुक्ताईनगर तालुक्यातील रुईखेडा येथील घटना
जळगाव (प्रतिनिधी) : मुक्ताईनगर तालुक्यातील रुईखेडा येथे शेतशिवारात एका वयोवृद्ध शेतकऱ्याने शेतातच विषारी द्रव्य प्राशन करून सोमवारी दि. २९ जुलै रोजी आत्महत्या करण्याचा प्रयत्न केला होता. दरम्यान उपचार सुरु असताना शुक्रवारी दि. २ ऑगस्ट रोजी पहाटे त्यांचा जळगावात त्यांचा मृत्यू झाला आहे. याप्रकरणी रामानंद नगर पोलीस स्टेशनला प्राथमिक नोंद करण्यात आली आहे.
रामगिर कडूगिरी गोसावी (वय ६५, रा. रुईखेडा ता. मुक्ताईनगर) असे मयत शेतकऱ्याचे नाव आहे. ते गावात पत्नी, १ मुलगा यांचेसह राहत होते. शेतीकाम करून ते उदरनिर्वाह करीत होते. (केसीएन)दरम्यान, सोमवारी दि. २९ जुलै रोजी रामगिर यांनी शेतातच विषारी औषध द्रव्य प्राशन करून आत्महत्या करण्याचा प्रयत्न केला होता. कुटुंबिय व ग्रामस्थांच्या मदतीने त्यांना उपचारासाठी जळगाव येथील शासकीय वैद्यकीय महाविद्यालय व रुग्णालयात दाखल करण्यात आले होते.
त्यांच्यावर चार दिवसांपासून उपचार सुरु होते. उपचाराअंती शुक्रवारी २ ऑगस्ट रोजी रामगिर यांचा पहाटे २ वाजेच्या सुमारास मृत्यू झाला. यावेळी कुटुंबीयांनी आक्रोश केला. घटनेची रामानंद नगर पोलीस स्टेशनला प्राथमिक नोंद करण्यात आली आहे. दरम्यान, रामगिर यांच्या आत्महत्येचे कारण अस्पष्ट आहे.
