जळगाव (प्रतिनिधी ) विवाहितेने माहेरहून ८ लाख रुपये आणावेत या मागणीसाठी विवाहितेचा छळ केल्याप्रकरणी गुन्हा दाखल करण्यात आला आहे.
सूत्रांनी दिलेली माहिती अशी कि, सुनयना सुधीर खरे वय २९ यांचा सुधीर भास्कर खरे सानपाडा, नवी मुंबई ता. ठाणे यांच्यासोबत विवाह झाला आहे. १६ नोव्हेंबर २०१९ ते सप्टेंबर २०२० यादरम्यान वेळोवेळी सुधीर खरे यांनी सुनयना यांना माहेरुन ८ लाख रुपये फ्लॅट घेण्यासाठी आणावेत अशी मागणी केली. सुनयना यांनी पैसे आणले नाही, त्याचे वाईट वाटल्याने सुधीर खरे यांनी सुनयना यांना दारुच्या नशेत चापटा बुक्क्यांनी मारहाण करत धमकी दिली. तर सुधीर यांचा मामेभाऊ कुलदीप देवराम बाविस्कर रा. पाचोरा जळगाव यानेही त्रास दिल्याचे यात म्हटले आहे. सुनयना यांनी दिलेल्या तक्रारीवरुन रविवारी सुधीर खरे व कुलदीप बाविस्कर या दोन जणांविरोधात जिल्हापेठ पोलिसात गुन्हा दाखल झाला आहे. पुढील तपास पोलीस नाईक संतोष सोनवणे हे करीत आहेत.
