चाळीसगाव तालुक्यातील कळवाडी येथे झाला अपघात
चाळीसगाव (प्रतिनिधी) : तालुक्यातील कळवाडी रस्त्यावर भरधाव अर्टिगा आणि रुग्णवाहिकेचा भीषण अपघात झाला. नाशिक येथे उपचारासाठी नेत असताना रुग्णवाहिकेतील अपघाग्रस्त युवकाचा यात मृत्यू झाला. तर अन्य २ जण जखमी झाले आहेत. ही घटना शुक्रवारी दि. ९ ऑगस्ट रोजी सायंकाळी घडली. घटनेची पोलीस स्टेशनला नोंद करण्यात आली आहे.
ह.भ.प. ज्ञानेश्वर हरी बच्छे (वय २७, रा. सायगाव बगळी ता. चाळीसगाव) असे मयत तरुणाचे नाव आहे. तो भजनी मंडळामध्ये वादक म्हणून कामाला होता. बच्छे यांच्या पश्चात पत्नी, दोन मुली, आई, भाऊ असा परिवार आहे. ज्ञानेश्वर यांचा काही दिवस आधी दुचाकीचा अपघात झाला होता. त्यांच्यावर नाशिक येथे उपचार करण्यात आले होते.(केसीएन)सायगाव येथे घरी परतल्यावर त्यांना पुन्हा मुत्रपिंडाचा त्रास जाणवू लागला. त्यासाठी त्यांना पुढील उपचारासाठी नाशिक येथे रुग्णवाहिकेने नेत असताना शुक्रवारी दिनांक ९ ऑगस्ट रोजी सायंकाळी कळवाडी फाट्याजवळ एर्टिगा कारसह भीषण धडक झाली.
त्यात ज्ञानेश्वर बच्छे यांचा मृत्यू झाला, तर अन्य दोनजण जखमी झाले आहेत. बच्छे हे सायगाव परिसरातील भजनी मंडळात वादक म्हणून काम करत होते. काही दिवस आधी दुचाकी अपघातानंतर तातडीने बच्छे यांना नाशिक येथे दाखल करण्यात आले होते.(केसीएन) त्यावेळी त्यांच्यावर शस्त्रक्रियादेखील करण्यात आली होती. ते घरी परतले व काही दिवसातच त्यांना गुरुवारी रात्री मुत्रपिंडाचा त्रास जाणवू लागला. त्यांना उपचारासाठी नाशिक येथे नेण्याचे ठरले. नातेवाइकांनी जवळच असलेल्या पिलखोड येथील रुग्णवाहिका बोलावली होती.
