जळगाव तालुक्यातील कंडारी शिवारातील घटना
जळगाव (प्रतिनिधी) :- तालुक्यातील कंडारी शिवारातील शेतातील घरात आठ ते दहा दिवसांपुर्वी नातेवाईकांकडे आलेल्या गतीमंद मुलीने गळफास घेत आत्महत्या केली. ही घटना सोमवारी दि. ८ सप्टेंबर रोजी दुपारी १२ नंतर उघडकीस आली. याप्रकरणी नशिराबाद पोलिसात अकस्मात मृत्यूची नोंद करण्यात आली आहे.
मध्यप्रदेशातील सावित्री गुरीलाल भिलाला (वय १६, मूळ रा. मलगावकोठा, ता. झिरण्या, जि. खरगोन, ह. मु. कंडारी, ता. जळगाव) असे मयत तरुणीचे नाव आहे. मध्यप्रदेशात राहणारे सावित्री भिलाला ही तरुणी आठ ते दहा दिवसांपुर्वी कंडारी येथे राहणारे नातेवाईक रवी पावरा यांच्या आली होती. रवी पावरा हे कंडारी येथील शेतकरी काशीनाथ चिंधू पाटील यांच्या शेतात मजूरीचे काम करीत असून तेथेच राहतात. सोमवारी सकाळी ते शेतात काम करण्यासाठी निघून गेल्यामुळे सावित्री ही घरी एकटीच होती. तीने झोपडीत गळफास घेत आत्महत्या केली. शेतातील कामे आटोपून पावरा हे घरी परतले असता, त्यांना सावित्री हीने गळफास घेतल्याचे दिसले. त्यांनी घटनेची माहिती लागलीच कंडारीचे पोलीस पाटील सुर्वे यांना दिली.
पोलिस पाटील सुर्वे यांनी नातेवाईकांच्या मदतीने मृतदेह शासकीय वैद्यकीय महाविद्यालय व रुग्णालयात दाखल केला. याठिकाणी वैद्यकीय अधिकाऱ्यांनी तपासणी करीत सावित्री भिलाला हीला मयत घोषीत केले. याप्रकरणी नशिराबाद पोलिसात अकस्मात मृत्यूची नोंद करण्यात आली आहे. मयत सावित्री भिलाला ही मुलगी गतीमंद असून तिच्यावर उपचार सुरु असल्याची माहिती नातेवाईकांनी दिली. त्यातूनच तीने गळफास घेतल्याची माहिती तिच्या नातेवाईकांनी पोलिसांना दिली. नातेवाईकांनी रुग्णालयात आक्रोश केला. याप्रकरणी नशिराबाद पोलिसात अकस्मात मृत्यूची नोंद करण्यात आली आहे.
००००००००००००००
