रावेर जवळील घटना
रावेर (प्रतिनिधी ) ;- लग्न समारंभासाठी मध्य प्रदेश राज्यातील बंभाळा येथून घराकडे परत दुचाकीने जाणार्या महिलेच्या दुचाकीला एसटी बसने दिलेल्या धडकेत महिला जागीच ठार झाल्याची घटना षहराजवळ घडली . याबाबत अकस्मात मृत्यूची नोंद करण्यात आली आहे. आरती संदीप पाटील असे मृत महिलेचे नाव आहे . लग्न व ओवाळनीचा कार्यक्रम आटोपून आरती पाटील मोटर सायकलवरून घरी येत असताना महामंडळच्या (एम १४ बीटी ३९१६) नंबरच्या बस चालकाने मोटर सायकलला धडक दिली. या अपघातात मोटर सायकलवर मागे बसलेल्या आरती पाटील यांचा रावेर शहरानजिक जागीच मृत्यू झाला.
आरती पाटील यांना दोन मुली आणि एक मुलगा आहे. बस आणि मोटर सायकलच्या धडकेनंतर बसला रावेर पोलिस स्टेशनमध्ये आणण्यात आले असून, अपघाताबाबत गुन्हा दाखल करण्याचे काम सुरू होते. आरती पाटील यांच्या निधनाने बामणोद गावात हळहळ व्यक्त होत आहे.
