जळगाव (प्रतिनिधी) – शहरातील शिवाजीनगर भागातील ४५ वर्षीय व्यक्तीने आपल्या राहत्या घरात गळफास घेवून आत्महत्या केल्याचे घटना उघडकीस आली आहे. याबाबत जळगाव शहर पोलिस स्टेशनमध्ये अकस्मात मृत्यूची नोंद करण्यात आली आहे.
याबाबत सविस्तर माहिती असी की जळगाव शहरातील शिवाजीनगर खडकेचाळ भागात मंगल प्रताप पाटील वय-४५ हे परिवारासह राहात होते. जळगाव शहरातील हॉटेल मोरोक्को स्टॉपवर खासगी वाहन चालवून कुटूंबीयांचा उदरनिर्वाह करतात.आज मंगळवारी दुपारी १२ वाजेच्या सुमारास त्यांनी आपल्या राहत्या घरात गळफास घेऊन आत्महत्या घेतल्याचे आढळून आले. कुटूंबीयांनी आरडा ओरड केल्यावर शेजार्‍यांनी धाव घेतली. घटनेची माहिती कळताच जळगाव शहर पोलीस स्टेशनचे राजेंद्र परदेशी व बशीर तडवी हे कर्मचारी घटनास्थळी रवाना झाले. घटनास्थळी पंचनामा करुन मृतदेह जिल्हा रुग्णालयात हलविण्यात आला. आत्महत्येचे नेमके कारण मात्र समोर आलेले नाही. जळगाव जिल्हा शासकीय रूग्णालयात शवविच्छेदन करुन मृतदेह नातेवाईकांच्या ताब्यात देण्यात आले आहे. मयत मंगल पाटील यांच्या पश्चात पत्नी, एक मुलगा शुभम, विवाहित मुलगी असा परिवार आहे. याबाबत जळगाव शहर पोलीस स्टेशनमध्ये अकस्मात मृत्यूची नोंद करण्यात आले आहे.
