जळगाव/नशिराबाद : कोरोनाचा संसर्ग वाढतच असून कोरोनाने जळगाव तालुक्यातील ग्रामीण भागात एंट्री केली असून तालुक्यातील भोकर व नशिराबाद या ठिकाणी दोघा पुरूषांना कोरोनाची लागण होऊन दोघांचाही मृत्यू झाला.
भोकर येथील ६५ वर्षाच्या वृद्धाचा दोन दिवसांपूर्वी मृत्यू झाला होता़ लक्षणे नव्हती परंतु शंका म्हणून त्यांचे स्वॅब घेण्यात आले होते़ ते अहवाल रात्री पॉझिटीव्ह आले़. यासह नशिराबादच्या ६५ वर्षीय वृद्धांना संशयित म्हणून दाखल करण्यात आले होते़ त्यांचाही शनिवारी रात्री मृत्यू झाला व त्यानंतर त्यांचा अहवाल पॉझिटीव्ह आला आहे़ ग्रामीण आरोग्य यंत्रणा नशिराबाद येथे दाखल झालेली आहे़ कॉन्टॅक्ट ट्रेसिंग व कंटेन्मेंट झोन ठरविणे आदींसह उपाययोजना सुरू असल्याची माहिती तालुका वैद्यकीय अधिकारी डॉ़ संजय चव्हाण यांनी दिली़.
नशिराबाद येथील मृत्यू झालेल्या वृद्धाचा अहवाल पॉझिटिव्ह आल्यानंतर रविवार सकाळपासूनच यंत्रणा कामाला लागली. संपूर्ण परिसर सील करण्यात आला असून परिसर सॅनिटाईज करण्यात आला.
