चाळीसगाव तालुक्यात प्रचारामध्ये मिळतोय प्रतिसाद
चाळीसगाव (प्रतिनिधी) :- येथील चाळीसगाव विधानसभा मतदारसंघात आ. मंगेश चव्हाण यांच्या प्रचारासाठी त्यांच्या पत्नी प्रतिभा चव्हाण यादेखील मैदानात उतरल्या आहेत. सकाळ आणि संध्याकाळ दोघ वेळेत. प्रचाराचे नियोजन करीत ग्रामीण भागात महिला वर्गात लोकप्रिय ठरत आहेत.
चाळीसगाव शहरातून सकाळी सायगाव, मांदूर्णे, उपखेड व सेवानगर अशा चार गावांच्या नागरिकांशी प्रतिभाताई चव्हाण यांनी सुसंवाद साधला. तसेच दुपारून कार्यकर्त्यासोबत संध्याकाळच्या प्रचारासाठी सुरुवात पिंपरी या गावापासून करण्यात आली. पिंपरीची प्रचार फेरी झाल्यानंतर प्रतिभाताई या चितेगांव, तांबोळे, खडकी बु. अशा गावांच्या मतदारांशी संपर्क साधला. संध्याकाळी ७ सबस्टेशन परिसरात नागरिकांच्या भेटीगाठी घेऊन संवाद करीत महायुतीला मतदान करण्याचे आवाहन केले.
