खरेदीचे उद्दिष्ट वाढवून देण्यासाठी आमदारांना संघाचे साकडे
पाचोरा (प्रतिनिधी) :- राज्य शासनाच्या सन २०२५-२६च्या आधारभूत खरेदी योजनांतर्गत पाचोरा येथील शेतकरी सहकारी संघात आ. किशोर पाटील यांच्या हस्ते भरड धान्य खरेदी केंद्राचा शुभारंभ करण्यात आला. सारोळा खुर्द येथील शासकीय गोदामात खरेदी केंद्रावर प्रथम शेतकरी प्रकाश पाटील यांचा सन्मान झाला.
यंदाच्या वर्षात ज्वारीची खरेदीसाठी ८४४ शेतकऱ्यांची नोंदणी करण्यात आली असून ५ हजार ५०० क्विंटल खरेदीचे संघाला उद्दिष्ट दिले आहे. हे खरेदी उद्दिष्ठ वाढवून मिळावे म्हणून संघाचे चेअरमन सुनील विठ्ठल पाटील यांनी शेतकरी पुत्र आ. किशोर पाटील यांना निवेदन देत त्यांना साकडे घातले. या प्रसंगी माजी आमदार दिलीप वाघ, बाजार समितीचे सभापती गणेश पाटील, संघाचे चेअरमन सुनील पाटील, व्हा. चेअरमन नरेंद्र पाटील, संचालक, तहसीलदार विजय बनसोडे, पुरवठा अधिकारी श्रीमती उरकडे, संघाचे संचालक प्रकाश निकुंभ, अनिल पाटील, शिवदास पाटील, मच्छिद्र थोरात, दीपक पाटील, फकिरा चांभार, संघाचे व्यवस्थापक प्रभाकर भावसार, गोदाम व्यवस्थापक राठोड आदींची उपस्थिती होती.
