७८ वा होमगार्डचा वर्धापन दिनाचा समारोप उत्साहात
जळगाव (प्रतिनिधी) :- जिल्ह्यात होमगार्ड संघटनेतर्फे ७८ वा होमगार्ड वर्धापन दिन सप्ताह दि.७ ते १३ डिसेंबर या कालावधीत विविध कार्यक्रमांच्या माध्यमातुन जिल्ह्यात ऊत्साहाने साजरा करण्यात आला. या कालावधीत सर्व तालुका पथकांमध्ये स्वच्छता अभियान, वृक्षारोपण, प्रथमोपचार विमोचन, पथनाटय ईत्यादि विषयाबाबत शाळा, सार्वजनिक ठिकाणी प्रात्यक्षीक देण्यांत आले. तसेच पथनाटयाच्या माध्यमातुन वाहतुक नियमांचे पालन, तंटामुक्ती, सामाजीक एकता इत्यादीबाबत शहरातील मुख्य चौकात जनजागृती करण्यांत आली.
शनिवारी जळगांव येथे पोलीस मुख्यालयाचे कवायत मैदानावर मुख्य कार्यक्रमाचे आयोजन आमदार राजूमामा भोळे यांच्या प्रमुख उपस्थितीत व होमगार्डचे जिल्हा समादेशक तथा अपर पोलीस अधिक्षक अशोक नखाते यांचे अध्यक्षतेखाली ७८ वा होमगार्ड वर्धापन दिनाच्या सांगता समारोप घेण्यात आला. याप्रसंगी आ. राजुमामा भोळे यांचे हस्ते ध्वजारोहण करण्यात आले आणि त्यांना परेड संचलन करुन मानवंदना देण्यात आली. यावेळी होमगार्डचे जिल्हा समादेशक अशोक नखाते, समादेशक संजय पाटील, प्रशिक्षणार्थी डिवायएसपी केदार पी. बारबोले, होमगार्ड केंद्र नायक संदिप तडवी आदी उपस्थित होते.
परेड संचलनाचे नेतृत्व होमगार्ड कंपनी कमांडर सुनिल पाटील, सहायक रविंद्र ठाकुर यांनी केले. परेड संचलनामध्ये होमगार्डच्या ४ प्लाटुनने सहभाग घेतला, कार्यक्रमात ऊत्कृष्ट कामगीरी केलेल्या अधिकारी, होमगार्ड यांचा सत्कार करण्यात आला. या प्रसंगी अशोक नखाते यांनी मार्गदर्शन केले. अध्यक्षीय भाषणात आ.राजुमामा भोळे यांनी होमगार्डच्या प्रलंबीत प्रश्नांबाबत पाठपुरावा करण्याचे आश्वासन दिले. प्रसंगी सर्व तालुका समादेशक, प्रभारी अधिकारी व पथकातील सर्व अधिकारी तसेच ५०० होमगार्ड उपस्थित होते. सुत्रसंचलन ओमप्रकाश शर्मा यांनी केले. यशस्वितेसाठी संदिप तडवी, मदन रावते, संजय पाटील, सुनिल पाटील आर्दीनी परीश्रम घेतले.
