जळगावातील महाबळ चौकातील घटना
जळगाव (प्रतिनिधी) : शहरातील महाबळ येथील रिक्षा स्टॉप जवळ पायी जाणाऱ्या प्रौढाला अज्ञात वाहनाने धडक दिल्याने ते गंभीर जखमी झाल्याची घटना मंगळवारी २१ जानेवारी रोजी रात्री ११ वाजता घडली आहे. याप्रकरणी गुरूवारी रामानंद नगर पोलीस ठाण्यात अज्ञात दुचाकीस्वारावर गुन्हा दाखल करण्यात आला आहे.
गजानन विश्वनाथ शेवाळे (वय ५१ रा. कोल्हे हिल्स, जळगाव) हे मंगळवारी दि. २१ जानेवारी रोजी रात्री ११ वाजता महाबळ परिसरातील रिक्षा स्टॉप येथून पायी जात होते. तेव्हा मागुन भरधाव वेगाने येणाऱ्या दुचाकी क्रमांक (एमएच १९ ईबी ९६११ ) ने त्यांच्या वाहनाला जोरदार धडक दिली. या अपघातात गजानन शेवाळे हे गंभीर जखमी झाले. रूग्णालयात उपचार घेतल्यानंतर त्यांनी रामानंद नगर पोलीस ठाण्यात धाव घेवून तक्रार दिली. त्यानुसार दुचाकीवरील अज्ञात चालकावर गुन्हा दाखल करण्यात आला आहे. पुढील तपास पोहेकॉ जितेंद्र तावडे हे करीत आहे.
