शिरसोली (वार्ताहर) :- बारी समाज माध्यमिक व उच्च माध्यमिक विद्यालयात राजमाता जिजाऊ व स्वामी विवेकानंद यांची जयंती युवा दिन म्हणून साजरी करण्यात आली. कार्यक्रमाच्या अध्यक्षस्थानी विद्यालयाचे मुख्याध्यापक राजेंद्र आंबटकर हे होते.
प्रमुख अतिथी प्राथमिक विद्यालयाचे मुख्याध्यापक गोपाल बारी, पर्यवेक्षिका सुरेखा दुबे, विद्यालयातील ज्येष्ठ शिक्षक रामकृष्ण पाटील, सांस्कृतिक प्रमुख दीपक कुलकर्णी, घनश्याम काळे हे उपस्थित होते. मंचावर उपस्थित मान्यवरांच्या हस्ते मा साहेब जिजाऊ व स्वामी विवेकानंद यांच्या प्रतिमेचे पूजन करण्यात आले. कार्यक्रमाचे प्रास्ताविक व सूत्रसंचालन देवका पाटील यांनी केले. मनीषा पायधन यांनी स्वामी विवेकानंद यांच्या जीवन चरित्रावर प्रकाश टाकला. तर मनीषा अस्वार यांनी राजमाता जिजाऊ यांच्या संस्कारांचे व त्यांच्या विचारांचे सखोल विचार व्यक्त केले. विद्यार्थिनींनी जिजाऊंची वेशभूषा करून जिजाऊ गीत सादर केले. विद्यार्थ्यांनी देखील आपले मनोगत व्यक्त केले.
कार्यक्रमाचे अध्यक्ष राजेंद्र आंबटकर यांनी अध्यक्षीय भाषण केले. नेत्रा वाणी यांनी आभार व्यक्त केले. प्रसंगी विद्यालयातील ज्येष्ठ शिक्षक सुनील भदाणे, चंद्रकांत कुमावत, सुनील ताडे, भरत बारी, संजय काटोले, किरण कोळी, आशा कोळी नंदा अकोले, भारती ठाकरे, आकांक्षा निकम, रंजना बारी, रमा अडकमोल, कांचन धांडे, ज्येष्ठ लिपिक संभाजी अस्वार, राजेंद्र खलसे आदी उपस्थित होते.
