मुक्ताईनगर शहरातील घटना
मुक्ताईनगर (प्रतिनिधी) :- शहरातील मुख्य प्रवर्तन चौकातील एका पान टपरीधारकाला चाकूचा धाक दाखवून १० हजार रुपये रोख रक्कम अज्ञात चौघांनी लुटल्याची घटना घडली आहे. दरम्यान यात तीन जण जखमी झाल्याची मुक्ताईनगर पोलिसात नोंद आहे.
शहरातील प्रतिभानगर येथील मोबाईल शॉपीचे व्यावसायिक रविंद्र रमेश खेवलकर (वय ३६) यांनी दिलेल्या पोलिसात दिलेल्या फिर्यादीत म्हटले आहे की, चार अनोळखी इसमांनी हा हल्ला केला. ही घटना दि.१९ रोजी रात्री १०.१५ वाजता घडली. फिर्यादी आपल्या पानटपरीजवळ उभे असताना चार अज्ञात इसमांनी त्यांच्यावर अचानक हल्ला केला. दोन चाकूंच्या मदतीने संशयित आरोपींनी फिर्यादीच्या हातातील पिवळ्या रंगाच्या पिशवीतील १० हजार रुपये जबरदस्तीने हिसकावून नेले.
हल्ल्यात फिर्यादी किरकोळ जखमी झाले आहेत. मुक्ताईनगर पोलीस ठाण्यात CCTNS क्रमांक गुन्हा नोंदविण्यात आला आहे. घटनेची माहिती मिळताच पोलीस उपविभागीय अधिकारी, मुक्ताईनगर राजकुमार शिंदे यांनी घटनास्थळी भेट दिली. पोलीस निरीक्षक नागेश मोहिते यांच्या मार्गदर्शनाखाली तपास सुरू आहे. तपासासाठी पोलीस हवालदार मोहम्मद तडवी यांची नियुक्ती करण्यात आली आहे. सीसीटीव्ही फुटेज तपासण्यात येत असून आरोपींचा माग काढण्यासाठी पोलिसांनी विशेष पथक तयार केले आहे.
