जळगाव ते भुसावळदरम्यानची घटना
जळगाव (प्रतिनिधी) :- तालुक्यातील जळगाव ते भुसावळ दरम्यान रेल्वे रुळावर एका धावत्या रेल्वेगाडीतून पडल्याने उत्तर प्रदेशातील २५ वर्षीय तरुणाचा दुर्दैवी मृत्यू झाल्याची धक्कादायक घटना आज बुधवारी दि. २० रोजी सकाळी ९ वाजेपूर्वी उघडकीस आली आहे.
राहुल कृष्णकुमार पांडेय (वय २५, रा. जौनपूर, उत्तर प्रदेश) असे मयत तरुणाचे नाव आहे. रोजगारानिमित्त महाराष्ट्रात आलेला राहुल पांडेय हा रेल्वेने गावाकडे जात असल्याची माहिती मिळाली आहे.(केसीएन)दरम्यान, जळगाव ते भुसावळ डाऊन रेल्वे लाईनवर खंबा क्रमांक ४३४/००० जवळ त्याचा मृतदेह पडून असल्याबाबत रेल्वे प्रबंधकानी नशिराबाद पोलीस स्टेशनला खबर दिली.
त्यानंतर नशिराबाद पोलीस स्टेशनच्या कर्मचाऱ्यांनी घटनास्थळी भेट दिली. पंचनामा करून मृतदेह शासकीय वैद्यकीय महाविद्यालय व रुग्णालयात शवविच्छेदनासाठी दाखल करण्यात आला.(केसीएन)त्याचा मृत्यू हा सकाळी ९ वाजेपूर्वी झालेला असल्याची माहिती पोलिसांनी दिली आहे. दरम्यान, नशिराबाद पोलीस स्टेशन येथे अकस्मात मृत्यूची नोंद करण्यात आली आहे.
