पारोळा मतदारसंघ पिंजून काढत घेतली प्रचारात घेतली आघाडी
पारोळा (प्रतिनिधी) :- भाजपा, शिवसेना व मित्र पक्ष महायुतीचे उमेदवार अमोल पाटील यांनी अगोदरच प्रचारात आघाडी घेतली आहे. ते उमेदवार असले तरी मतदारसंघात त्यांच्या पत्नी मृणालताई पाटील या देखील प्रचारात मागे नाहीत. मृणालताई यांच्या प्रचाराला प्रतिसाद मिळत आहे. आतापर्यंत त्यांनी जवळपास शहरी भागाबरोबरच संपूर्ण ग्रामीण भाग अक्षरशः पिंजून काढला आहे.
विधानसभा निवडणुकीत प्रत्येक उमेदवार आपापल्या पद्धतीने प्रचारात सक्रीय झाले आहेत. अशातच पारोळा-एरंडोल विधानसभा मतदारसंघातील महायुतीचे उमेदवार अमोल पाटील यांच्या पत्नी मृणालताई यांनी पहिल्या टप्प्यात पारोळा, एरंडोल शहराचा प्रचार दौरा पुर्ण करुन दुसऱ्या टप्प्यात आता ग्रामीण भागात जि.प. गटानूसार प्रत्येक घरोघरी जाऊन प्रचार पुर्णत्वास नेत आहेत. अशा प्रकारे त्यांनी महिला पदाधिकारी व विविध आघाड्यांचे पदाधिकारी कार्यकर्ते यांच्या सोबतीने अमोल पाटील यांच्या प्रचाराची धुरा सांभाळली आहे.
सगळीकडे इतर उमेदवारांनी दुसऱ्या टप्प्याचा प्रचार सुरू केला असतानाच मृणालताई यांनी मात्र प्रचार पुर्णत्वास नेत एकप्रकारे रेकॉर्ड स्थापन केले असून पारोळा तालुक्यासह संपूर्ण जिल्ह्यात मृणालताईच्या प्रचाराचे व धडाडीचे कौतुक होत आहे. यादरम्यान गावोगावी आणि घरोघरी महिला आणि तरुणींचा ताईंना भरभरून प्रतिसाद मिळत आहे. त्यांच्यासोबत महिला आघाडीचा देखील मोठा व्यापक सहभाग प्रचारादरम्यान दिसून येत आहे. एक प्रकारे संपूर्ण तालुक्यात घरोघरी काम पोहोचवण्याचे काम मृणालताई यांनी केले आहे.
