महायुतीचे उमेदवार आ. मंगेश चव्हाण यांना जाहीर पाठिंबा
चाळीसगाव (प्रतिनिधी) :- चाळीसगाव विधानसभा मतदारसंघातील उमेदवारी अर्ज माघारीच्या आजच्या शेवटच्या दिवशी वाघळी गावाचे माजी सरपंच विकास चौधरी यांनी आपली माघार घेऊन भारतीय जनता पक्षाशी एकनिष्ठता दाखवत भाजपचे उमेदवार आ.मंगेश चव्हाण यांना पाठिंबा जाहीर केला आहे.
गेल्या काही महिन्यांपासून त्यांनी विकासाचे व्हिजन घेऊन विधानसभा निवडणुक लढविण्यासाठी तयारी सुरू केली होती. मात्र समाजातील प्रतिष्ठित व ज्येष्ठांच्या मार्गदर्शन व सल्ल्यानुसार तसेच भारतीय जनता पार्टीचा एकनिष्ठ कार्यकर्ता असल्याने आ. मंगेश चव्हाण यांचा जुना मित्र असून चाळीसगावच्या विकासासाठी त्यांच्या असलेल्या धडपडीला साथ देण्यासाठी बिनशर्त जाहीर पाठिंबा देत असल्याचे विकास चौधरी यांनी स्पष्ट केले.
