जळगाव शहरातील नागसेन नगरातील घटना
जळगाव (प्रतिनिधी) :- शहरातील नागसेन नगरातील घराचे शटर उचकावून २ मोटारसायकली चोरी करण्याच्या प्रयत्न करणाऱ्या चोरट्याला पोलीसांनी रविवारी दिनांक ३ नोव्हेंबर रोजी मध्यरात्री २ वाजता समोर आली आहे. याप्रकरणी पहाटे एमआयडीसी पोलीस ठाण्यात गुन्हा दाखल करण्यात आला असून चोरट्याला अटक करण्यात आली आहे.
दिपक लक्ष्मण तरटे (रा. नागसेन, जळगाव) असे अटक केलेल्या संशयित आरोपीचे नाव आहे. विजय सुधाकर सोनार (वय ५२ रा. नागसेन नगर, जळगाव) हे मजूरी करून ते उदरनिर्वाह करतात. रविवारी ३ नोव्हेंबर रोजी मध्यरात्री २ वाजेच्या सुमारास संशयित आरोपी दिपक तरटे हा घराचे शटर उचकावून आत ठेवलेले दोन दुचाकी चोरून नेण्याचा प्रयत्न करत होता.
यावेळी विजय सोनार यांना जाग आली. त्यांनी त्यांला जागेवरच पकडले व एमआयडीसी पोलीसांच्या स्वाधिन केले. दरम्यान माझ्यावर केस केली तर तुला पाहून घेईल अशी धमकी दिली. याप्रकरणी पहाटे ४.३० वाजता एमआयडीसी पोलीस ठाण्यात गुन्हा दाखल करण्यात आला. पुढील तपास पोलीस नाईक हेमंत जाधव हे करीत आहे.
