जळगाव शहरातील शिवाजीनगर भागातील घटना
जळगाव (प्रतिनिधी) : दारु पिण्यासाठी पैसे न दिल्याचा राग आल्याने तरुणाने त्याच्या आईला विट मारण्यासह बहिण, भाचा व मुलावर विळ्याने वार करुन गंभीर जखमी केले. ही घटना दि. १३ ऑक्टोबर रोजी शिवाजीनगर हुडको परिसरात घडली. या प्रकरणी शहर पोलिस ठाण्यात गुन्हा दाखल करण्यात आला आहे.
शेख खलील शेख युनूस हा तरुण त्याच्या आईकडे दारु पिण्यासाठी पैसे मागत होता. परंतू त्याच्या आईने पैसे देण्यास नकार दिल्याने त्याने अंगणात पडलेली विट आईच्या डोक्यात मारुन जखमी केले. (केसीएन)यावेळी शेख खलील याची बहीण नजमुनिसा जावेद शेख, त्यांचा मुलगा व भाचा हे भांडण सोडविण्यासाठी गेले असता शेख खलील याने त्यांच्यावर विळ्याने वार करुन गंभीर जखमी केले. या प्रकरणी शहर पोलिस ठाण्यात दिलेल्या फिर्यादीवरून शेख खलील शेख युनूस याच्याविरुद्ध गुन्हा दाखल करण्यात आला आहे.
