फुलंब्री जि. संभाजीनगर येथील १७५ वारकऱ्यांचा भव्य देखावा
जळगाव – गणपती बाप्पा मोरया, पुढच्या वर्षी लवकर या..! असा गजर करत फैजपूर येथीलसतपंथ नवयुवक गणेश मित्र मंडळाच्या विसर्जन मिरवणुकी निघाली. या मिरवणुकीत फुलंब्री जि. संभाजीनगर येथील १७५ वारकऱ्यांचा भव्य देखावा मंडळाकडून दाखविण्यात आला. यात भजन, पावली, मानवी रथ, फुगडी, शारीरिक कसरती अशा अनेक झाकी दाखवत समाजास सांस्कृतिक आणि पारंपारिक संदेश देण्यात आला असून या वेळी भाजपा महिला मोर्चा प्रदेश उपाध्यक्ष डॉ केतकी ताई पाटील यांनी भेट दिली.
फैजपूर येथील संत प.पू.महामंडलेश्वर जनार्दन हरीजी महाराज यांच्या प्रेरणेने आणि मार्गदर्शनाखाली कार्यरत असलेल्या सतपंथ नवयुवक गणेश मित्र मंडळाच्या विसर्जन मिरवणुकीत महाराजांसमवेत डॉ केतकी ताई पाटील ह्या सहभागी झाल्या होत्या. या मंडळाचे वैशिष्ट्य म्हणजे मंडळाच्या वतीने गणेशोत्सवात अनेक सामाजिक व प्रेरक कार्य झाले. यात परिसरातील दिव्यांगाकडून आरती, दिव्यांगाचा सत्कार आणि सन्मान, मेहतर वाल्मिकी समाज साफसफाई कामगार यांच्या हस्ते बाप्पांची आरती, बालिकांच्या हस्ते आरती, 56 भोज कार्यक्रम, मंडळातर्फे परिसरातील खेळाडूंना आर्थिक मदत अशाप्रकारे अनेक कौतुकास्पद उपक्रम राबविण्यात आले होते. मिरवणुकीमध्येही मंडळाने धार्मिकता व संस्कृतीचे जतन करत एक वेगळा संदेश दिला. यात सद्गुरु सेवा संस्थान फुलंब्री जिल्हा संभाजीनगर येथील वारकऱ्यांचा भव्य देखावा मंडळाकडून दाखविण्यात आला. १७५ टाळकरी, भजन, पावली, मानवी रथ, फुगडी, शारीरिक कसरती अशा अनेक झाकी दाखवत समाजास सांस्कृतिक आणि पारंपारिक संदेश दिला.
या कार्यक्रमात सतपंथ महिला भजनी मंडळाने सक्रिय सहभाग घेतला. यावेळी मार्गदर्शक परमपूजनीय महामंडलेश्वर जनार्दन हरी जी महाराज, खंडेराव देवस्थानाचे गादिपती प.पू.पवनकुमारदास जी महाराज, रवींद्र महाराज महाले, नरेंद्रदादा नारखेडे, भारतीय जनता पार्टीच्या महिला मोर्चा जिल्हा पूर्वच्या उपाध्यक्ष सौ.भारती संजय पाटील, मंडळाचे अध्यक्ष कुणाल कोल्हे, उपाध्यक्ष रोहन चौधरी, खजिनदार युवराज किरंगे, टेकचंद कोल्हे, मंडळातील कार्यकर्ते आणि सतपंथ संप्रदायातील भाविक भक्त मोठ्या संख्येने उपस्थित होते.
