यावल तालुक्यातील मनापुरी परिसरातील घटना
यावल (प्रतिनिधी) : श्रीक्षेत्र मनुदेवी मंदिरावरून दर्शन घेऊन परत जाताना दुचाकी घसरून दाम्पत्य जखमी झाले. चारचाकी वाहन अंगावर आल्याने अपघात वाचविण्याच्या प्रयत्नात रस्त्याच्या खाली जाऊन घसरले. हा अपघात शनिवारी घडला. याप्रकरणी यावल पोलिसांत अपघाताचा गुन्हा दाखल करण्यात आला आहे.
मनुदेवी दर्शनासाठी रवींद्र मधुकर बारी (५६, रा. संभाजी पेठ, यावल) हे पत्नीसोबत दुचाकीने गेले होते. दर्शन घेऊन परत येत असताना मनापुरी गावाजवळ चारचाकी वाहन अंगावर आली. हा अपघात वाचविण्यासाठी दुचाकी रस्त्याच्या खाली जाऊन घसल्याने रवींद्र बारी व त्यांचे पत्नी दोघे जखमी झाले.
दोघांवर रुग्णालयात उपचार करण्यात आले. रवींद्र बारी यांच्या फिर्यादीवरून चार चाकी वाहन क्रमांक (एम. एच. १८ ए.जे. ७९४५) वरील अज्ञात चालकाविरुद्ध गुन्हा दाखल करण्यात आला आहे. तपास हवालदार नरेंद्र बागुल करत आहेत.
